Nakatutok na ang Hydrometeorology division ng PAGASA sa limang malalaking dams sa iba’t ibang lugar sa bansa, na maaaring maapektuhan ng Bagyong Ompong.
Kabilang dito ang Angat dam sa Bulacan, Magat dam sa Isabela, Binga at Ambuklao dams sa Mountain Province at San Roque dam sa Pangasinan.
Ayon sa PAGASA, babantayan kung kinakailangan nang mag-discharge o magpakawala ng tubig ng mga naturang dam, sakalung manalasa na ang bagyo.
Pero sa ngayon, nagpadala na ang PAGASA ng advisory para sa commencement ng flood precaution period, dahil sa posibleng sabayang pagpapakawala ng tubig.
Batay naman sa latest monitoring, ang Angat dam ay nananatiling normal at operational na ang kanilang equipment.
Samantala, ang Bustos dam ay nagpakawala ng tubig, bilang paghahanda sa Bagyong Ompong.
As of 6PM ay nasa 17.20 meters ang water level ng Bustos dam, na malayo pa sa 17.52 meters na spilling level.
Wala ring naiulat na pagbaha sa kalapit na lugar ng Bustos dam.