Residential area tinupok ng apoy sa Port Area, Maynila

Nasunog ang isang residential area sa kahabaan ng Atlanta Street sa Port Area, Maynila.

Umabot sa ikalawang alarma ang naturang pagliliyab, kung saan pitong kabahayan ang natupok.

Nasa 16 na mga pamilya naman ang pansamantalang walang matutuluyan dahil sa sunog.

Alas-4:20 ng hapon nang magsimula ang apoy na tuluyang naapula bandang alas-4:53 ng hapon.

Patuloy na inaalam ng mga otoridad ang sanhi ng sunog, maging ang kabuuang pinsalang dulot nito.