Ibinahagi ng mga residente ng Davao Region sa pamamagitan ng social media ang kanilang naranasan nang tumama ang magnitude 6.4 na lindol, Sabado ng hapon.
Sa tweet ni Andrea Amparo, makikita na napinsala ang building ng Ateneo de Davao University dahil sa lindol.
EARTHQUAKE IN ATENEO pic.twitter.com/FvX6gfPF76
— Andrea Amparo (@deaamparo) September 8, 2018
Sa mga litrato naman ni Wilson Ramos Dotarot sa Facebook, ang mga tao na nasa loob ng isang mall ay nagsilabasan dahil sa malakas na pagyanig.
May mga gusali at establisimyento rin na napinsala, gaya ng pagkasira ng kisame at pagkabitak ng mga sahig.
Sa kuhang litrato naman ni Sharon Anoba, makikitang magulo sa loob ng isang shopping center matapos mahulog sa mga istante ang mga produkto.
