Tiniyak ni Senator Antonio Trillanes na hindi siya manlalaban sakaling arestuhin ng mga otoridad.
Ayon kay Trillanes, ito ay kung legal ang gagawing pag-aresto at dumaan sa tamang protocol ng Senado.
Paliwanag ng senador, ayaw niya na mayroong masasaktan kapag nagkaroon ng pag-aresto sa kanya.
Siniguro din nito na nakahanda siya sa anumang mangyayari sa kanya.
Dahil dito, may mga naka-empake na anya siyang mga gamit at mayroon ring protocol para sa kanyang mga security at mga abogado.
Maging ang kanyang pamilya anya ay nakahanda na rin sa maaring mangyari dahil naranasan na ng mga ito na nakulong siya sa loob ng pito at kalahating taon.
Nagbilin anya siya sa kanyang mga anak na magdasak at mag-aral ng mabuti.
MOST READ
LATEST STORIES