Halaga ng piso nagbukas sa halos P54 kontra dolyar

Lalo pang bumagsak ang halaga ng piso kontra dolyar sa pagbubukas ng trading ngayong Biyernes ng umaga.

Ang halaga ng piso ay nagbukas sa P53.975 kada 1 dolyar o 2.5 centavos na lang ang kulang ay P54 na.

Huling umabot sa P54 ang palitan ng piso kada dolyar ay noong December 2, 2005 kung saan naitala ito sa P54.155.

Noong Huwebes nagsara ang piso sa P53.80 kontra dolyar na pinakamababang antas nito sa nakalipas na halos 13 taon.