Banisilan, North Cotabato niyanig ng magnitude 3.3 na lindol

Naitala ng Phivolcs ang magnitude 3.3 na lindol sa bayan ng Banisilan sa lalawigan ng North Cotabato.

Ayon sa Phivolcs, ang epicenter ng pagyanig ay sa 14 kilometers north west ng Banisilan, na naganap alas 7:32 ng umaga ng Biyernes, Sept. 7.

May lalim na 418 kilometers ang pagyanig at tectonic ang dahilan.

Sinabi ng Phivolcs na hindi naman ito inaasahang magdudulot ng pinsala sa ari-arian.