Nakapulong ni Pangulong Rodrigo Duterte si King Abdullah II ng Jordan sa Al Husseinieh Palace kahapon.
Ito ay bilang bahagi pa rin ng official visit ng presidente sa naturang bansa.
Ayon sa Department of Foreign Affairs, ang pagbisita ng pangulo sa lider ay upang mapalawig pa ang ugnayan ng Pilipinas at Jordan na nagsimula noong 1957.
Sa bilateral meeting pinag-usapan ang kooperasyon ng dalawang bansa sa mahahalagang isyu para sa pagtataguyod ng pag-unlad at kapayapaan.
Sinaksihan nina King Abdullah at Duterte ang paglagda sa limang kasunduan partikular sa foreign affairs, kalakalan, trabaho at defense.
Matapos ang pulong sa hari ng Jordan ay pinangunahan ng presidente ang isang business forum sa Intercontinental Hotel.