Ito ang pahayag ni Acting Prosecutor General Richard Anthony Fadullon sa kabila ng pagbasura ng Makati Regional Trial Court sa kasong kudeta ni Trillanes.
Ayon kay Fadullon, dapat suportado ang dismissal sa kasong kudeta ni Trillanes ng kanyang aplikasyon para sa amnestiya, pero dahil idineklara na itong void ab initio o walang bisa ay hindi ito napagtibay.
Dahil dito ay balik umano sa naunang estado ang kaso ni Trillanes kung saan ito ay kailangang muling desisyunan.
Pansamantala sinabi ni Fadullon na dapat na munang arestuhin ang senador bilang pagtalima sa Proclamation 572 at para maiwasan ang kalituhan sa usapin kapag siya’y dadakpin na ng mga otoridad.