Terrorist attack ang turing ng mga otoridad sa naganap na pananaksak sa Amsterdam Central Station kung saan dalawang Amerikano ang nasugatan.
Nakilala lamang ang suspek sa insidente na si Jawed S., 19 na taong gulang at isang Afghan national ngunit mayroong hawak na German residency permit.
Inanunsyo ng Amsterdam City Hall na sa interogasyon ng pulisya ay inamin mismo ng suspek ang kanyang motibo.
Sa ngayon ay nasa ospital si Jawed S. dahil sa natamong sugat sa katawan matapos barilin ng mga otoridad dahil sa kanyang pag-atake.
Maayos na rin ang kundisyon ng dalawang US citizens na nasugatan dahil sa pananaksak ng suspek.
Matapos ang naturang insidente ay nagkaroon ng mass panic sa Amsterdam Central Station kung saan agad na inilikas ang mga mananakay at turista.
Patuloy naman ang ginagawang imbestigasyon ng mga otoridad tungkol sa pangyayari. Partikular na sinisiyasat ng pulisya ang mga gamit ng suspek.