Ito ang unang pagkakataon na magharap sina Duterte at De Castro mula nang italaga ng Pangulo ang bagong punong mahistrado.
Pinangunahan ni Duterte ang oath-taking ni De Castro na naitalaga sa pwesto noong August 25.
Kasama ni De Castro ang kanyang pamilya sa panunumpa sa Malakanyang.
Pinalitan ni De Castro si dating Chief Justice Maria Lourdes Sereno na napatalsik sa posisyon sa pamamagitan ng quo warranto petition na inihain ni Solicitor General Jose Calida.
Una nang sinabi ng Pangulo na ang appointment ni De Castro ay batay sa seniority.
Itinanggi ni Duterte na ang pagtalaga sa bagong Punong Mahistrado ay bilang reward o kabayaran sa pagpapatalsik kay Sereno.
Iginiit pa ng Pangulo na walang halong pulitika ang appointment ni De Castro.