Sarangani at Surigao del Norte, niyanig ng lindol

Niyanig ng magkahiwalay na lindol ang Surigao del Norte at Sarangani madaling araw ng Biyernes.

Unang naganap ang magnitude 3.0 na lindol sa Surigao del Norte ganap na ala-1:42 ng madaling araw.

Ayon sa Phivolcs, ang episentro ng lindol ay sa layong 52 kilometro Hilagang-Silangan ng General Luna.

 

May lalim itong limang kilometro.

Samantala, alas-2:14 naman ng maitala ang magnitude 3.1 na lindol sa Sarangani.

Ang episentro ng lindol ay sa layong 41 kilometro Timog-Kanluran ng Maasim.

May lalim itong 178 kilometro.

Pawang tectonic ang dahilan ng mga pagyanig at hindi naman inaasahan ang mga pinsala sa ari-arian at aftershocks.