Konstruksyon ng Otis Bridge, makukumpleto bago matapos ang 2018

Pipilitin matapos ng Department of Public Works and Highways (DPWH) ang konstruksyon ng Otis Bridge sa Paco, Maynila bago matapos ang taon.

Ayon kay DPWH Sec. Mark Villar, minamadali na nila ang konstruksyon ng tulay.

Kung sakali anyang matapos ngayong taon ay mas maaga ito sa target completion date na nakatakda sa February 2019.

Matatandaang isinara ang 60-taong gulang na tulay sa mga motorista matapos madiskubre ang mga crack sa gitnang bahagi ng tulay.

Ayon pa kay Villar, lahat ng board piling sa ngayon ay tapos na.

Nagkakahalaga ang konstruksyon sa tulay ng P37 milyon.