Hindi na palalawigin ang paghahain ng Certificates of Candidacy (COC) para sa mga gustong kumandidato sa Barangay at Sangguniang Kabataan Election sa Marawi City.
Noong August 23 nagsimula ang filing period at ngayong araw ng Huwebes na ang huling araw ng paghahain ng kandidatura.
Ayon kay Comelec Spokesperson James Jimenez, wala silang natanggap na request para pahabain pa ang walong araw na filing period.
Magsisimula na ang campaign period sa September 12 at magtatagal hanggang September 22.
Ang halalan ay nakatakda sa September 22.
Nabalam ang eleksyon sa Marawi City dahil sa gulong idinulot ng ISIS-inspired Maute Terror Group sa lungsod.
MOST READ
LATEST STORIES