Sa pagdiriwang ngayong araw ng National Heroes Day ay hinimok ni Senador Richard Gordon ang bawat isang Pilipino na magkaisa para sa bansa.
Sa kanyang magkakasunod na Twitter posts ay inalala ng senador ang lahat ng mga Pilipinong lumaban at nakatulong para makamit ang kalayaan at kasarinlan ng Pilipinas.
Ayon sa senador, hindi lamang dapat inaalala ang mga tanyag tao sa kasaysayan, ngunit maging ang mga hindi kilalang Pilipino, kapwa sa nakaraan at kasalukuyang panahon, na mayroong kontribusyon para sa kalayaan, hustisya, at pagiging isang bansa ng Pilipinas.
Ayon pa kay Gordon, ang bawat isang Pilipino ay maaaring maging bayani sa sari-sariling pamamaraan malaki man o maliit, basta’t ang layunin ay gawing isang mas mabuting nasyon para sa lahat ang bansa.
Hinimok ni Gordon ang mga Pilipino na laging isipin ang pagiging makabayan at magkaisa patungo sa progreso ng Pilipinas. Aniya, maging ehemplo ang mga bayani ng bansa upang labanan ng lahat ang mga banta na bumabalos sa buong Pilipinas.