Mahinang pagyanig naramdaman sa Davao Oriental

Niyanig ng isang magnitude 3.1 na lindol ang bayan ng Baganga sa Davao Oriental kaninang madaling araw.

Batay sa inilabas na abiso ng PHIVOLCS, naganap ang lindol kaninang alas-3 ng madaling araw sa 80 kilometro hilagang-silangan ng nasabing bayan.

May lalim ang lindol na anim na kilometro at tectonic ang pinagmulan nito.

Wala namang naitalang anumang aftershocks o pagkasira ng mga ari-arian dahil sa pagyanig.