Kabilang si National Capital Regional Police Office acting Director CSupt. Joel Pagdilao sa tatlong opisyal ng PNP na bibigyang promosyon ngayon hapon.
Si Pagdilao ay magiging Police Director na o katumbas ng 2-star General sa Armed Force of the Philippines (AFP).
Samantala, magiging Deputy Director General o 3-star General si Police Director Francisco Uyami, ang kasalukuyang number 4 sa pamunuan ng PNP o ang The Chief Directorial Staff.
Bukod sa kanila, Chief Superintendent o 1-star Generalna si SSupt. Elmer Jamias na siyang acting Director ng Eastern Police District (EPD).
Magugunita na si Jamias ang nakabangga ni Vice-President Jejomar Binay sa gitna ng tensyon para isilbi ang suspension order sa anak nitong si suspended Makati City Mayor Junjun Binay.
Ang donning of ranks para sa tatlong opisyal ay nakatakdang daluhan nina DILG Sec. Mel Sarmiento at PNP Chief Ricardo Marquez sa National Headquarters ng PNP sa Cam Crame.