Umabot na sa 178 na mga Overseas Filipino Workers (OFWs) na naapektuhan ng runway closure sa NAIA ang nabigyang ayuda ng Department of Foreign Affairs (DFA).
Ang mga OFWs na na-stranded ay binigyan ng P5,000 financial assistance ng DFA.
Ipinagkaloob ang financial assistance sa DFA Home Office sa Pasay at sa NAIA Terminals 1, 2, at 3.
Inaasahan naman ng DFA na madaragdagan pa ang bilang ng mga OFWs na mabibigyan ng cash assistance.
Ang iba kasi na nakaalis na ng bansa pero naapektuhan ngnaganap na aberya sa NAIA ay maaring magtungo sa pinakamalapit na Philippine Embassy o consular office sa bansa kung saan sila naroroon.
Magpapatuloy ang pagbibigayng financial assistance ng DFA sa mga naapektuhang OFWs hanggang August 31, 2018.