Hinikayat ni Senador Chiz Escudero ang Department of Foreign Affairs (DFA) at Overseas Workers Welfare Administration (OWWA) na tulungan ang mga overseas Filipino workers (OFWs) na naapektuhan ng malaking aberya sa NAIA.
Partikular na binanggit ni Escudero ang pagtulong sa rebooking sa mga airline companies hanggang sa pagpapaliwanag sa kanilang mga employers na hindi nila kagustuhan ang nangyari.
Ayon sa senador karapatan ng mga pasahero na mabigyan ng kompensasyon para sila ay makabalik sa oras sa bansa na kanilang pinagta-trabahuhan.
Nakasaad sa Air Passenger Bill of Rights kailangan humanap ng paraan ang gobyerno na mabayaran ang mga pasahero sa epekto ng pagkakansela ng biyahe.
Sinabi ng senador kasama na dito ang akomodasyon.
Una nang sinabi ni OWWA Administrator Hans Leo Cacdac na may mga OFWS na silang tinutungan sa pakikipag ugnayan sa PAL.