Pangulong Duterte tiniyak na ubos na ang mga shabu lab sa bansa

Wala nang shabu laboratory sa bansa.

Ayon kay Pangulong Rodrigo Duterte, pawang imported na iligal na droga na ang pumapasok sa Pilipinas na galing sa Bamboo Triad na isang organized crime group sa Taiwan.

Ayon sa pangulo, nahihirapan na ang mga drug lord na magtayo ng shabu laboratory sa Pilipinas dahil masyado na itong mapanganib para sa kanila.

Giit ng pangulo, batid kasi ng mga drug lord na papatayin sila kapag natyempuhan ng mga otoridad.

Ayon sa pangulo, wala siyang pakialam sa mga pa-drama-drama ng mga taga-human rights group dahil pursigido siyang labanan ang problema sa iligal na droga.