Tinalo ng Lyceum Pirates ang defending champions na San Beda Red Lions sa kanilang naging tapatan kagabi para sa unang round ng NCAA Season 94 na ginanap sa Filoil Flying V Centre sa San Juan.
Natapos ang laro sa iskor na 73-66 pabor sa Pirates.
Dahil sa kanilang pagkapanalo ay nakapagtala na ng 9-0 win-loss record ang Lyceum.
Si CJ Perez ang nanguna sa koponan matapos makapagtala ng game-high na 22 points at 13 rebounds.
Tumulong din si Jaycee Marcelino na nakapagtala naman ng 13 puntos.
Samantala, para sa Red Lions, si Donald Tankoua ang nanguna sa pamamagitan ng kanyang 19 points at 18 rebounds.
MOST READ
LATEST STORIES