Ex-PNoy mangunguna sa kampanya ng oposisyon sa 2019 election

Sinabi ni dating Pangulong Noynoy Aquino na magiging abala siya sa mga susunod na buwan sa pangangampanya para sa senatorial candidates ng oposisyon.

Kasabay nito ay nilinaw ng dating opisyal ang isyu kaugnay sa posibilidad ng pagtakbo niya bilang senador sa 2019 midterm elections.

Ipinaliwanag ni Aquino na hindi siya tatakbo bilang senador at hindi rin umano niya itataas ang kanyang sarili.

Umaasa rin ang dating lider na makakabuo ng malakas na line-up ang oposisyon sa pangunguna ng Liberal Party.

Nauna nang sinabi ni Liberal Party President Sen. Kiko Pangilinan na quality at hindi quantity ang kanilang magiging basehan sa pagpili ng mga isasama sa senatorial line-up ng kanilang Partido.