Nagpasalamat si dating Pangulong Noynoy Aquino sa sambayanan sa paggunita sa kamatayan ng kanyang ama na si dating Sen. Benigno “Ninoy” Aquino Jr.
Pinangunahan ng dating pangulo ang pagtitipon sa Manila Memorial Park sa Parañaque City para sa ika-35 taong anibersaryo ng kamatayan ni Ninoy.
Bukod sa pamilya Aquino, present rin sa nasabing pagtitipon ang ilang mag miyembro ng gabinete ng nakalipas na administrasyon.
Nasa okasyon rin sina Sen. Franklin Drilon at Antonio Trillanes IV.
Sa kanyang talumpati ay sinabi ng dating pangulo na maraming mga lider ng bansa ang nanindigan makaraang mapatay ang kanyang ama sa pakikipaglaban sa diktadurya.
Ayon kay Aquino, “Nung nawala ho ang tatay natin marami hong tumayo at parang pinuno ‘yung mga papel na ginagampanan niya… Dito na may mga panibago na naman tayong hamon sa lipunan… ilagay lang po natin sa isip natin na hindi bahala si Pedro, si Juan o kung sino man sa pagliligtas sa atin”.