MRT, nagka-aberya; Higit 600 pasahero, pinababa ng tren

Aabot sa 600 na pasahero ng Metro Rail Transit-3 (MRT-3) ang pinababa makaraang makaranas ng aberya sa bahagi ng Shaw Boulevard station, Linggo ng hapon.

Ayon sa Department of Transportation-MRT 3, nagkaroon ng electrical failure sa motor ng isang northbound train bandang 3:07 ng hapon.

Naghintay ng limang minuto ang mga apektadong pasahero bago nakasakay sa panibagong tren.

Sa ngayon, isinailalim na sa preventive maintenance ang nagkaproblemang tren.

Matatandaang sampung araw ang lumipas bago ang huling unloading incident sa MRT.