Agusan Del Sur, Compostela Valley niyanig ng magkasunod na lindol

Niyanig ng magkasunod na lindol ang Agusan Del Sur at Compostela Valley, Linggo ng umaga.

Batay sa inilabas na impormasyon ng Phivolcs, unang nilindol naitala ang magnitude 4.9 na lindol sa layong 9 kilometers South ng Bunawan sa Agusan Del Sur dakong 8:28 ng umaga.

May lalim itong 66 kilometers at tectonic ang origin.

Sa kaparehong oras, tumama naman ang magnitude 5 na lindol sa Compostela.

May lalim naman ang ikalawang lindol na 207 kilometers at tectonic din ang pinagmulan.

 

Gayunman, kapwa walang napaulat na nasira sa mga ari-arian sa nabanggit na lugar.

Wala ring inaasahang aftershocks bunsod nito.