Dumeretso mula Los Angeles, California si Jordan Clarkson sa tapatan ng Pilipinas at Kazakhstan para sa 2018 Asian Games sa Jakarta, Indonesia.
Hindi inalintana ni Clarkson ang pagod at jet lag dahil agad itong nagtungo sa GBK Basketball Hall.
Napanood ng NBA star ang huling dalawang quarter ng tapatan kung saan nagwagi ang Pilipinas kontra Kazakhstan sa iskor na 96-59.
Si Asi Taulava ang nakatabi ni Clarkson sa bench habang pinapanood ang opening game ng national team.
Samantala, mayroon namang apat na araw si Clarkson upang masanay na makasama ang iba pang miyembro ng koponan sa ilalim ng coaching ni Yeng Guiao.
Sa August 21, araw ng Martes unang malalaro si Clarkson para sa Pilipinas sa tapatan kontra koponan ng China.
READ NEXT
VP Robredo tanging pwedeng pumalit kay Pangulong Duterte kung ito ay magbibitiw — Acting CJ Carpio
MOST READ
LATEST STORIES