Sa abiso ng Meralco, alas 10:00 ng umaga hanggang alas 3:00 ng hapon ay mawawalan ng suplay ng kuryente ang bahagi ng Barangay Bagumbuhay sa Project 4.
Ito ay dahil sa line reconductoring work ng Meralco sa E. Evangelista Street.
Sa Calamba City Laguna naman, alas 9:00 ng umaga hanggang alas 2:00 ng hapon ang power interruption sa Barangay Lecheria.
Ayon sa Meralco, magpapalit naman sila ng poste sa Watawat ng Lahi Compound sa naturang barangay.
Sa Baliuag at sa Pulilan sa Bulacan, alas 8:00 ng umaga hanggang alas 11:00 ng umaga ang power interruption sa mga barangay ng Makinabang at Taal.
Mayroon namang reconstruction ang Meralco sa kanilang pasilidad sa bahagi ng Barangay Makinabang.