Nakataas na alarm warning sa Markina River, inalis na

Tuluyan nang bumaba ang antas ng tubig sa Marikina River sa Marikina City.

Mula alas 12:50 ng madaling araw ng Martes (Aug. 14) inalis na ang umiiral na alarm warning sa ilog.

Ito ay makaraang bumaba na lang sa 14.9 meters ang water level sa Marikina River.

Alas 8:00 naman ng umaga, bumaba pa sa 14.3 meters na lamang ang antas ng tubig.

Naging tuluy-tuloy ang pagbaba ng water level dahil kakaunti na lamang din ang namomonitor na tubig ulan na bumababa mula sa kabundukan ng Rizal.