Pagdinig ng senado sa P60M paid-ad ng DOT sa PTV-4 sisimulan na ngayong araw

Sisimulan na ngayong araw ng senado ang pagdinig sa 60 million pesos na paid advertisement ng Department of Tourism (DOT) sa PTV 4.

Ang blue ribbon committee na pinamumunuan ni Senator Richard Gordon ang mangunguna sa pagdinig.

Inaasahang sisipot sa pagdinig sina dating Tourism Sec. Wanda Tulfo-Teo at kapatid niyang si Ben Tulfo.

Ani Gordon, kapwa nagkumpirma na kasi ng kanilang pagdalo sa imbestigasyon ang magkapatid.

Isinulong ang imbestigasyon matapos matuklasan ang kontrobersiyal na P60-million advertising deal sa pagitan ng DOT at Bitag Media Unlimited Inc.