Manila Water tigil muna sa paghuhukay sa Edsa

Naglabas ng abiso ang Manila Water na hindi muna sila magsasagawa ng pipelaying at interconnection activities sa kanto ng EDSA at Shaw Boulevard.

 

Ayon sa Manila Water ito ay dahil sa patuloy na masamang panahon lalo na sa Metro Manila.

 

Bunga nito hindi na magkakaroon ng water interruptions o pagkawala ng suplay ng tubig sa ilang barangay sa Mandaluyong City, Quezon City, San Juan City at Pasig City.

 

Ang paggawa sana ng Manila Water ay naka-schedule mamayang ala-7 ng gabi mamaya hanggang alas 9 ng umaga bukas.

 

Wala pang naitakdang bagong schedule ang Manila Water para sa pagsasaayos ng tubo sa nabanggit na lugar.