Yellow rainfall warning nakataas sa 2 lalawigan

Nakataas pa rin ang heavy rainfall warning sa dalawang lalawigan sa Central Luzon dahil sa malakas na ulang nararanasan doon.

Sa abiso ng PAGASA, alas 12:00 ng tanghali, yellow warning Zambales at Bataan.

Ayon sa PAGASA, ang nararanasang pag-ulan sa nabanggit na mga lugar ay maarig magdulot ng pagbaha at landslides.

Samantala, mahina hanggang sa katamtaman at kung minsan ay malakas na buhos ng ulan naman ang nararanasan sa Northern Caloocan, Bulacan, Cavite, Laguna, Batangas, Rizal, Quezon, Nueva Ecija, Pampanga at Tarlac.

Muling maglalabas ng rainfall advisory ang PAGASA mamayang alas 3:00 ng hapon.