Bayan ng San Mateo sa Rizal isinailalim na sa state of calamity

Isinailalim sa state of calamity ang bayan ng San Mateo sa lalawigan ng Rizal.

Ito ay dahil sa matinding epekto ng pagbaha na naranasan sa nasabing bayan mula noong Sabado.

Ginawa ang deklarasyon matapos ang ipinatawag na special session ng Sangguniang Bayan kaninang umaga.

Inaprubahan ng Sanggunian ang deklarasyon ng state of calamity base sa rekomendasyon ni Mayor Tina Diaz.

Sa ngayon mahigit 27,000 na indibidwal pa ang nananatili sa mga evacuation center sa bayan ng San Mateo.