LOOK: Sanggol inabandona sa Rodriguez, Rizal

Isang sanggol ang natagpuang abandonado sa tabi ng basurahan sa Rodriguez, Rizal.

Ayon sa ulat ng Rodriguez Police, nakita ang bata sa kalsada na sakop ng Southville 8-C, sa Barangay San Jose.

Isang tauhan ng barangay ang nakakita sa bata habang nagwawalis siya ng kalsada.

Agad namang nadala ang bata sa health center sa lugar ang sanggol na kasisilang pa lamang dahil nakakabit pa ang kaniyang pusod.

Viral naman ang larawan ng pulis na si PO3 Florence Dingcong habang pinapa-breastfeed ang naturang sanggol upang mapawi ang gutom nito.

Sa ngayon ay nasa ligtas nang kondisyon ang sanggol na pinangalan munang “Baby Carding” at dinala sa Amang Rodriguez Hospital sa Marikina City para mabantayan ng husto ang kaniyang kalusugan.