Oplan greyhound ikinasa sa Valenzuela City Jail

Surpresang isinailalim sa Oplan Linis Piitan ng pinagsanib na pwersa ng Philippine Drug Enforcement Agency (PDEA) at Philippine National Police (PNP) ang Valenzuela City Jail.

Sabay-sabay na pumasok ang PDEA CAMANAVA, PDEA K9 unit, Bureau of Jail Management and Penology (BJMP) – National Capital Region (NCR) team at Valenzula PNP sa lugar.

Dito isa-isang pinalabas ang mga preso ng lugar para isailalim sa inspection ang piitan.

Wala namang nakuhang pinagbabawal na kontrabando sa loob ng piitan, pero kinumpiska ng mga otoridad ang mga pang ahit, gunting, at iba pang mga tool, maging ng mga sigarilyo.

Karamihan sa nakuha ay mga ballpen at gamit sa Alternative Learning System (ALS) ng mga nakapiit sa lugar.