Inanunsyo ito, kasunod ng naitalang 5.7% inflation rate noong Hulyo.
Batay sa PSA, ang 6.0% na GDP growth ay maituturing na mabagal kumpara sa 6.6% na nairekord noong unang quarter at 6.7% na naitala naman noong ikalawang quarter ng 2017.
Sinabi ng PSA na ang figure ay mababa kumpara sa target ng gobyerno na 7 hanggang 8% growth.
Paliwanag ni Socioeconomic Planning Secretary Ernesto Pernia, ang pagbagal sa GDP growth ay maaaring dahil sa ilang polisiya na isinusulong ng pamahalaan.
Kabilang na rito ang pansamantalang pagsasara ng isla ng Boracay, na nakaapekto sa ekonomiya ng bansa.
Dagdag ni Pernia, kung hindi tumaas ang inflation ay posibleng umabot sa 7 hanggang 8% ang GDP growth ng bansa.