Tiniyak ni House Minority Leader Danilo Suarez na hindi babalik ang pork barrel sa ilalim ng liderato ni House Speaker Gloria Macapagal-Arroyo.
Ayon Suarez, nakasaad sa naging pasya ng Supreme Court na iligal ang pork barrel kaya kanila itong susundin.
Sinabi naman ni Ako Bicol Rep. Alfredo Garbin na line item budgeting na lang ang meron ngayon.
Wala na anya ang post enactment intervention dahil sa kanya-kanyang ahensya na napupunta ang implementasyon ng mga proyekto.
Sinabi ng mga ito na ang papel na lamang ngayon ng mga kongresista ay oversight power para matiyak na naipatutupad ang mga programa at proyekto at ang alokasyon ng pondo ay nagagamit ng tama sa pinaglaanan nito.
Pahayag ito ng minorya sa Kamara kasunod ng pangamba ni Senator Panfilo Lacson na bumalik ang pork barrel sa pamumuno ni Arroyo.