Taxi nasunog sa Quezon City

Nagliyab ang isang taxi habang binabagtas ang kahabaan ng EDSA sa may bahagi ng Aurora Boulevard sa Cubao, Quezon City.

Kwento ng driver ng taxi, nagbaba lamang siya ng pasahero sa isang bus terminal sa lugar nang habang pinapatakbo ang kanyang sasakyan ay nakita niyang umuusok ito.

Agad na lumabas ang driver sa taxi na agad nilamon ng apoy.

Lumabas sa imbestigasyon ng mga otoridad na dulot ng palyadong electrical wiring ang paliliyab.

Agad namang naapula ang sunog at walang naitalang nasaktan dahil sa insidente.