Dead on the spot ang isang lalaki matapos makipagbarilan sa mga pulis sa Baseco Compound sa Maynila.
Sa ngayon ay wala pang pagkakakilanlang ang lalaki.
Ayon sa mga elemento ng Manila Police District (MPD) Station 5, nagtayo sila ng checkpoint malapit sa lugar.
Ngunit bago pa makalapit sa checkpoint ang lalaki sakay ng motorsiklo ay bigla itong nag-U turn.
Dahil sa kahina-hinalang aksyon ng lalaki ay hinabol ito ng mga pulis at imbes na huminto at pinagbabaril nito ang mga otoridad, dahilang upang gumanti ng putok ang mga pulis.
Tama ng bala sa iba’t ibang bahagi ng katawan ang agad na ikinamatay ng suspek, habang tinamaan naman ng bala sa balikat si PO1 Gerardo Celestiano.
Nabatid na ang lalaki ay suspek umano sa pamamaril sa isang lalaki kamakailan.