Buong board of directors ng Nayong Pilipino, sinibak sa pwesto ni Pang. Duterte

 

Sinibak ni Pangulong Rodrigo Duterte ang lahat ng board of directors and management ng Nayong Pilipino dahil sa isyu ng malawakang kurapsyon.

Inanusyo ito ni Presidential Spokesman Harry Roque, sa isang pulong balitaan sa Malakanyang kaninang umaga.

Ayon kay Roque, ang pagpapasya ng presidente ay ginawa matapos ang cabinet meeting sa Palasyo kagabi.

Ang pagsibak sa Nayong Pilipino officials ay kaugnay sa pagpapaupa sa lupang pag-aari ng gobyerno sa loob ng pitumpung taon.

Para aniya kay Pangulong Duterte, ang kontrata ay “grossly disadvantageous” para sa bansa.