Malakanyang dumistansya sa kaso ng follower ni Pastor Quiboloy sa Amerika

Dumistansya ang Malakanyang sa naging desisyon ng korte sa Amerika na kasuhan na ng smuggling ang isang follower ni Kingdom of Jesus Christ Founder Apollo Quiboloy na si Felina Salinas dahil sa pagpupuslit ng 300,000 dollars na cash sa Amerika.

Ayon kay Presidential Spokesman Harry Roque, tiyak na kaya na ni Quiboloy na depensahan ang kanyang sarili.

Bukod dito, sinabi ni Roque na isang private citizen si Quiboloy kung kaya walang pakialam ang Malakanyang.

Si Quiboloy ay kilalang kaibigan ni Pangulong Rodrigo Duterte.

Bukod dito, tumulong din si Quiboloy sa kandidatura ng pangulo noong 2016 presidential elections sa pamamagitan ng pagpapahiram ng kanyang mga eroplano para sa mga campaign sortie ng pangulo sa iba’t ibang bahagi ng bansa.