Senado hinamon na isulong ang separate voting sa Federalism

Hinamon ni Eastern Samar Rep. Ben Evardone ang Senado na sumang-ayon sa panukala ni House Speaker Gloria Arroyo na hiwalay na pagboto sa charter change.

Sinabi ni Evardone na sa pamamagitan nito masusubukan kung talagang kaisa ang Senado sa pagpapalit ng Saligang Batas.

Paliwanag nito, noong una ay ang Senado ang nagpipilit na magkaroon ng separate-voting sa Federalism.

Samantala, sinabi ni House Committee on Constitutional Amendments Chairman Vicente Velos na palitan ang ipinasang House Concurrent Resolution No. 9 na ipinasa para sa pag-amyenda sa Konstitusyon.

Papalitan anya nila ng salitang “separate voting” sa halip na “joint voting” ang paraan ng botohan sa Federalism upang mawala ang duda ng Senado.