Viral ngayon sa social media ang video ng sexy comedienne habang nag-o-audition para maging boses ng Waze.
Sa nasabing audition video ipinamalas at ipinarinig ni Rufa Mae ang paraan ng kanyang pagsasalita kung saan siya nakilala para maging guide ng mga motorista sa mga kalye sa Metro Manila at makaiwas sa traffic congestion.
Gamit ang nakagawiang sabihin na “Go, Go, Go” at “Todo na ‘to,” ito ang unang video ni Rufa Mae sa sarili niyang YouTube Channel na inilaunch niya noong Sabado, August 4.
May mga hugot rin sa kanyang traffic situation na kinaaliwan ngayon ng mga netizens.
Ang nasabing video ay mayroon nang higit sa 30,000 views sa video sharing site.
