Saudi Arabia ni-recall ang kanilang envoy sa Canada

Pinauwi na ng Saudi Arabia ang kanilang envoy na nasa Canada makaraan ang paglalahad ng pagkabahala ng Canada sa usapin ng civil society at women’s rights activists sa Saudi.

Kasabay nito, pinauwi din ng Saudi ang envoy ng Canada na nasa kanilang bansa.

Dagdag pa ng foreign ministry ng Saudi Arabia, magpapatupad din sila ng freeze order sa lahat ng negosyo at investment transactions nila sa Canada.

Ikinukunsidera din ng Saudi Arabia na ideklarang persona non grata ang Canadian ambassador kasabay ng pagbibigay dito ng 24 na oras lamang para umalis.

Noong nakaraang linggo, ikinulong ng mga otoridad sa Saudi Arabia ang dalawang babaeng aktibista na umani ng international criticism.