Sinabi ni Pangulong Rodrigo Duterte na ipinanalangin na niya sa panginoon na tanggapin sa langit ang mga biktima ng extrajudicial killings sa bansa.
Sa kanyang talumpati sa Malaybalay City, Bukidnon, sinabi ni Duterte na masyadong binibigyan ng proteksyon ng Commission on Human Rights ang mga kriminal at hanggang sa kanilang kamatayan ay kaisa pa rin nila ang mga human rights advocates.
Idindagdag pa ni Duterte na mas kinikilingan ng mga human rights advocates ang karapatan ng mga kriminal kumpara sa mga biktima ng krimen sa bansa.
Kasabay nito ay hihilingin rin umano ni Duterte na ireserba sa kanya ang pinaka-mainit na lugar sa impyerno kung meron man.
Mas gugustuhin umano niyang mapunta sa impyerno ang kanyang kauluwa basta’t mabigyan lamang ng kaayusan at matahimik na buhay ang kanyang mga naasakupan.