3 CAFGU patay sa engkwentro sa Masbate

Patay ang tatlong CAFGU makaraang makaengkwentro ang mga tauhan ng New People’s Army (NPA) sa Barangay Mactan bayan ng Cawayan sa lalawigan ng Masbate bandang 8:30 ng umaga ng Biyernes (August 3).

Ayon sa ulat ng Masbate Provincial Police Office, nagsasagawa ng combat patrol operations sa Brgy. Mactan ang mga tauhan ng CAA Detachment ng 2 Infantry Battalion ng Philippine Army na nakabase sa Barangay Del Carmen, Uson, Masbate nang makasagupa ang hindi pa mabilang na miyembro ng NPA.

Matapos ang ilang minutong palitan ng putok kaagad na nasawi ang tatlong miymebro ng CAFGU habang hindi pa mabatid ang bilang ng mga nasawi at nasugatan sa hanay ng mga rebelde.

Nagpapatuloy pa rin ang operasyon ng mga tauhan ng militar sa nasabing lugar sa mga nakatakas na miyembro ng New People’s Army.