Tiniyak ng Malakanyang na magdodoble-kayod ang mga miyembro ng gabinete ni Pangulong Rodrigo Duterte para maibigay sa taong bayan ang basic services.
Ito ay matapos lumabas ang resulta ng Social Weather Stations survey na nasa positive 25 na lamang ang net satisfaction ratings ng cabinet members ni Pangulong Duterte noong buwan ng Hunyo, mas mababa ng tatlong puntos sa positive 28 na ratings noong Marso.
Ayon kay Presidential Spokesman Harry Roque, kinikilala ng cabinet members ang SWS survey at pagsusumikapan na maipaabot sa taong bayan ang mga programa ng pangulo.
Dagdag pa ni Roque, maaring matalakay sa August 6 na cabinet meeting ang naturang survey.
Hindi naman nakagugulat ayon kay Roque dahil halos lahat ng opisyal ng gobyerno ay bumaba ang net satisfcation rating.
Hindi naman matukoy ni Roque kung ano ang dahilan ng pagbaba ng net satisfaction ratings ng cabinet members.