Zero casualty sa Mexico sa pag daan ng hurricane Patricia

Zero casualty o walang nasawi sa Mexico sa kabila na malakas na pananalasa rito ng hurricane Patricia.

Malaki ang naitulong ng ‘exaggerated’ na warnings sa mga residente, kaya natamo ang zero casualty.

Aabot lamang sa apatnapung pamilya ang nawalan ng bahay makaraang tangayin ng matinding hanging dulot ng hurricane.

Ang mga pamilyang inilikas noong mga nakalipas na araw ay unti-unti nang nakakabalik sa kani-kanilang mga tahanan.

Reklamo naman ng ilang mga biktima ng kalamidad, wala raw tulong na naibibigay ang gobyerno sa kanila.

Ang hurricane Patricia ay ibinaba na sa low pressure area o LPA at magdadala na lamang ng bahagya hanggang sa malakas na pag-ulan sa Mexico./Isa Umali