4 arestado matapos maaktuhang gumagamit ng iligal na droga

Arestado ang apat na kalalakihan sa ikinasang anti-criminality campaign ng Southern Police District sa SV3 NHA Poblacion, Muntinlupa City.

Naaresto ang mga suspek na sina Archie Arc, 32 anyos, Eljan Lucero 21 anyos, Angelo Arce 31 anyos, at isang menor.

Nakuha sa mga suspek ang 2 piraso ng ‘open heat sealed transparent plastic sachet’ ng hinihinalang droga at drug mga paraphernalia.

Nahaharap ang apat sa paglabag sa RA 9165 o Comprehensive Dangerous Drugs Act of 2002.

Lumalabas sa imbestigasyon na nahuli ang apat na aktong gumagamit ng bawal na gamot.