Ardot Parojinog, balik-Pilipinas na mula Taiwan

Dumating na sa Maynila si Ozamis City Councilor Ricardo “Ardot” Parojinog, ang kapatid ng napatay na drug lord na si Ozamis City Mayor Reynaldo Parojinog Sr.

Dakong 9:57 ng Biyernes ng gabi nang lumapag sa Ninoy Aquino International Airport o NAIA Terminal 2 ang eroplanong sinakyan ni Parojinog, na galing pang Taiwan.

Matatandaang na naaresto si Parojinog sa Taiwan noong Mayo dahil sa illegal entry, gamit ang pekeng pasaporte.

May arrest warrant din laban sa kanya, para sa kasong illegal possession of firearms na isinampa sa Department of Justice o DOJ.

Bukod dito, may hiwalay na warrant of arrest si Ardot dahil naman sa kasong murder sa isang korte sa Ozamiz City.