Ninakaw na rare blue diamond na $20M ang halaga nabawi ng Dubai police

Nabawi na ng mga pulis sa Dubai ang ninakaw na rare blue diamond na nagkakahalaga ng $20 million.

Ang nasabing diamond ay ninakaw ng isang security guard, inilagay sa kahon ng sapatos at saka ipinuslit patungong Sri Lanka.

Nagtatrabaho ang nasabing gwardya sa isang money transfer company kung saan nakatago ang diyamante.

Ayon sa Dubai Police, nadakip ang suspek matapos ang ginawang panayam sa aabot sa nasa daan-daang posibleng testigo at makapagbibigay linaw sa krimen at pag-aaral sa surveillance footage.

Inamin din naman ng suspek ang kaniyang ginawang krimen.