Inuulan pa rin ang malaking bahagi ng Metro Manila at mga kalapit nitong lalawigan.
Sa abiso ng PAGASA, alas 3:35 ng hapon, itinaas nito ang thunderstorm advisory sa Las Pinas, Muntinlupa, Paranaque, Pasay, Makati, Taguig at Pateros.
Sakop din ng abiso ang Bacoor, Imus, Kawit, Rosario, Tanza, at Tagaytay sa Cavite; mga bayan ng Laurel at Talisay sa Batangas; Morong, Baras, at Tanay sa Rizal, Sta Maria, Famy, Mabitac, Siniloan, at Pangil sa Laguna; Capas, Bamban, Concepcion, at La Paz sa Tarlac; Mabalacat, Angeles, Magalang, Macabebe, Guagua, at Minalin sa Pampanga; Bagac, Limay, at Mariveles sa Bataan at mga bayan ng Norzagaray at Dona Remedios sa Bulacan.
Heavy hanggang intense na pag-ulan ang nararanasan sa nasabing mga lugar na maaring tumagal ng dalawang oras.